موقع مدرسة أبو رفاعي الابتدائية
أهلا بك في منتدانا زائرا كريما وناصحا أمينا ومشاركا مفيدا
مدير المدرسة أ / الشحات البسطويسي
موقع مدرسة أبو رفاعي الابتدائية
أهلا بك في منتدانا زائرا كريما وناصحا أمينا ومشاركا مفيدا
مدير المدرسة أ / الشحات البسطويسي
موقع مدرسة أبو رفاعي الابتدائية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

موقع مدرسة أبو رفاعي الابتدائية

رؤية المدرسة: مدرسة تربوية تعليمية ذات جودة شاملة مدعمة بالتكنولوجيا واشعاع مجتمعي متبادل
 
الرئيسيةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
التعليم الناجح
المواضيع الأخيرة
» نصائح للعامة بشأن فيروس كورونا المستجد (2019-‏nCoV‏): تصحيح المفاهيم المغلوطة‏
علي اسم مصر Emptyالثلاثاء يونيو 09, 2020 12:42 am من طرف Admin

» التعليم والثانويه
علي اسم مصر Emptyالثلاثاء يونيو 09, 2020 12:40 am من طرف Admin

» كفر الشيخ
علي اسم مصر Emptyالجمعة نوفمبر 08, 2019 5:23 pm من طرف Admin

» علي اسم مصر
علي اسم مصر Emptyالأربعاء ديسمبر 07, 2016 9:55 pm من طرف Admin

» عام دراسي جديد سعيد كل عام وانتم بخير
علي اسم مصر Emptyالسبت أغسطس 22, 2015 1:37 pm من طرف Admin

» دستور المدرسة
علي اسم مصر Emptyالسبت أكتوبر 11, 2014 4:38 pm من طرف Admin

» استمارة تقيم الطالب للمعلم
علي اسم مصر Emptyالسبت أكتوبر 11, 2014 4:17 pm من طرف Admin

» السيرة الذاتية
علي اسم مصر Emptyالخميس يناير 24, 2013 10:04 am من طرف Admin

» مدير المدرسة في سطور
علي اسم مصر Emptyالخميس يناير 24, 2013 10:02 am من طرف Admin

أبريل 2024
الأحدالإثنينالثلاثاءالأربعاءالخميسالجمعةالسبت
 123456
78910111213
14151617181920
21222324252627
282930    
اليوميةاليومية
التبادل الاعلاني

انشاء منتدى مجاني



ساعة
al_jare7
القرآن الكريم

 

 علي اسم مصر

اذهب الى الأسفل 
كاتب الموضوعرسالة
Admin
Admin



عدد المساهمات : 37
تاريخ التسجيل : 21/11/2011

علي اسم مصر Empty
مُساهمةموضوع: علي اسم مصر   علي اسم مصر Emptyالأربعاء ديسمبر 07, 2016 9:55 pm

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

مصر السما الفزدقي وعصافير معدية

والقلة مملية ع الشباك .. مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

على اسم مصر

شفت الجبرتي بحرافيش الحسين وبولاق

بإبن البلد ماشي زي النمس في الأسواق

بالفلاحين ع المداخل من بعيد وقريب

بالأرنؤوط بالشراكسة بكل صنف عجيب

مترصصين سور رهيب مزراق

في ريح مزراق

كأنهم لا بشـر ولا خلقـة الخـلاق

ومصر فلاحة تزرق بين رقيب ورقيب

من غير أبو الهول ما ينهض ناهضة شايله حليب

والصبح بدري الجبرتي ينام وقلمه يسيب

على اسم مصر

والمس حجارة الطوابي وادق بكعابي

يرجع لي صوت الصدى يفكرني بعذابي

يا ميت ندامة على أمة بلا جماهير

ثورتها يعملها جيشها ومالها غيره نصير

والشعب يرقص كأنه عجوز متصابي

إنهض من القبر احكي القصة يا عرابي

يطل لي رافع الطهطاوي م التصاوير

شاحب ومجروح في قلبه وجرح قلبه خطير

وعيونه مغرورقين بيصبوا دمع غزير

على اسم مصر

مالك سلامتك بتبكي ليه يا طهطاوي

قال لك عرابي .. انكسر بسلاح أوروباوي

وسلاح أوروبا ماهواش المدافع بس

ده فكر ناقد مميز للثمين والغث

قلناها ميت ألف مرة ألف مرة بصوت جهيرداوي

بس الحماقة لاليها طبيب ولا مداوي

ولا حد م الخلق بالخطر اللي داخل حس

الغفلانين اللي خلوا العقل صابه مس

قالوا الخطر هو فكر أوروبا لو يندس

على اسم مصر

أحسنت في القول صحيح يا ولد يا متنبي

جبت اللي جوه الفؤاد عن مصر متعبى

وحكمت بالعدل لكن بعضنا انظلموا

" يا أمة ضحكت من جهلها الأمم "

العلم كان عندنا من صغره متربي

لكنه هاجر وعدى البحر متخبي

لما الإيران هجموا ثم اليونان هجموا

ثم الرومان دمروا ثم التتار هدموا

ثم الجميع كل واحد جه مسح قدمه

على اسم مصر

والديك الفصيح م البيضه بيصيح

ويقول بالصريح

الفكر فوق في الشمال

يا الله الحقوه يا ولاد

لحقوه ولاد من ولاد الأغنيا الأسياد

وهم راجعين رموه في الباخرة

في البحرونزلوا حكموا في ظل الانجليز والقصر

ومصر في الشمس بتغربل كلام منعاد

عن ابن بنت ابن حنت وطارق ابن زياد

والانجليز راضية بالخطباء وخطب الفخر

خطيب يهز الرؤوس وخطيب يهز الخصر

وخطيب يموت موتة الأبطال قتيل القهر

على اسم مصر

هل مصر موميا جميلة صورتها فوق النعش

يعشقها مجنون ينادي عليها ولا تطلعش

هل مصر نار صفصفت والنفخ فيها محال

والأرض نشعت على رمادها استحال أوصال

سألت أنا الرافعي كان عجٌز ولا بيسمعش

لكن عينيه كانوا يحكولي قصص ما اشبعش

يقولولي ماتخافش مصر بخير وعال

العال مصر الجبرتي

ومصر الرافعي حال غير الحال

انظر محمد فريد أعظم وأرقى مثا

لعلى اسم مصر

أنا اللي مشيت ادوٌر باشتياق وحنين

على مصر .. والمشي خدني من سنين لسنين

لحد ماسنيـنهـا وسنـيني بقم واحد

وعاصرتها يوم بيوم لم فاتني يوم واحد

وحضرت شاهد عيان مولد وموت ملايين

مازعلت من كلمة قد البركة في الجايين

مين هم دول يا جدع .. ما توحد الواحد

البركة فينا وفي السامعين بالواحد

أنا قلتها بنرفزة .. من غيرة الواحد

على اسم مصر

مصر الرمال العتيقة وصهدها الجبار

والنيل كخرطوم حريقه وحيد في وسط النار

في إيدين بشر نمل رايحه وجاية

ع الضفةفيهم مطافي وفيهم كدابين زفة

وفيهم اللي تعالى وقال أنا حكمدار

وكل باب م البيبان مقفول على اسرار

وكل سر بحريقة عايزة تتطفا

من أهلي تندهلي وتقوللي تعا اتدفا

أنا اللي عمري انكتب إلى يوم ما اتوفى

على اسم مصر

القاهرة في اكتئاب والأنس عنها غاب

من عتمة تدخل لعتمة كأنها ف سرداب

أو قرية مرمي عليا ضل هجانةالحظر

م المغربية بأمر مولاناومصر في الليل بتولد

والبوليس ع الباب

صبية ولاٌدة يابا ولحمها جلاب

طلع الصباح زغرطت في السكة فرحانه

على كتفها مولودتها لسه عريانه

وف لحظة كانت جميع الدنيا دريانة

على اسم مصر .


الرجوع الى أعلى الصفحة اذهب الى الأسفل
https://aburifaischool.rigala.net
 
علي اسم مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع مدرسة أبو رفاعي الابتدائية :: الجودة والاعتماد التربوي :: توكيد الجودة والمساءلة-
انتقل الى: